Ацæмæз

см. Ацæмæз – перевод

Ацæмæз – сызгъæрин удæвдзы хицау Нарты кадджыты. Йæ фыдæн ын æй балæвар кодта «цырдкъах» Æфсати. Ацæмæз йæ диссаджы уадындзæй æдзух цæгъды, Сайнæг-æлдары чызг Агуындæ – рæсугъд кæм цæры, уыцы Сау хохы сæр. Йæ сызгъæрин удæвдзы цагъдмæ тайынц æнусон цъититæ, кафынц хъæддаг сырдтæ æмæ хæдзарон фос, зарынц мæргътæ, сыфтæр ракалынц хус бæлæстæ, сæ низæй фервæзынц рынчын адæм. Ацæмæз йæ уадындзы цагъды фæрцы бауарзта, æппæты номдзыддæр нартæн бынат ссарын кæй зæрдæйы нæ бантыст, уыцы Агуындæ – рæсугъд. Тынг бирæ йæ чи уарзта, уыцы уæларвцæрджытæ – Уастырджи, Æфсати æмæ иннæты æххуысæй Ацæмæз Агуындæйы ракурын йæ къухы бафтыдис.

кæс Ирон адæмы этнографи æмæ мифологи